CENTER FOR ECONOMIC RESEARCH

Декабрь ойида Ўзбекистонда ишбилармонлик фаоллиги индекси ошди

Компонентлар даражасида қуйидаги ўзгаришлар бўлган.

2022 йилнинг декабрь ойида Ишбилармонлик фаоллиги индекси ўтган ойга нисбатан 5,4 фоизга ошиб, 1054 бирликни ташкил этиши, қуйидаги компонентлар даражасидаги ўзгаришларга боғлиқ бўлган:

• хўжалик юритувчи субъектларнинг банк ҳисобварақаларидаги опреациялар сони 4,9фоизга ошган;
• фаолият кўрсатаётган хўжалик юритувчи субъектлар бўйича компонент 0,5фоизга ошган;
• товар-хом ашё биржасида хом ашё сотиб олиш жадаллиги 6,7фоизга ошган;
• товар белгилари бўйича компонент 27,6фоизга ошган.

Ҳудудлар кесимида Сирдарё вилоятида энг юқори ўсиш суръати қайд этилган.

2022 йил декабрь ойида Ишбилармонлик фаоллиги индекси 7 та ҳудудда ўтган ойга (2022 йил ноябрь) нисбатан ўсиш кузатилган. Сирдарё (43,9%), Сурхондарё (35,9%), Андижон (28,8%), Бухоро (19,9%) вилоятлари ва Тошкент шаҳрида (22,7%) сезиларли даражада ўсиш кузатилган (2 - расм).

Шу билан бирга ушбу кўрсаткич 2 та ҳудудда камайган. Хусусан, Жиззах (-17,9%) ва Хоразм (-1,8%) вилоятларида ўтган ойга нисбатан камайиш кузатилган.

 

БАНК ҲИСОБ ВАРАҚАЛАРИ БЎЙИЧА ОПЕРАЦИЯЛАР

2022 йил декабрь ойида банклараро тўлов операциялари сони 6 427,4 минг тани ташкил этди ва 2022 йилнинг ноябрь ойига нисбатан 302,2 минг транзакцияга (4,9%) ошган.

Банклараро тўлов операциялари сони 7 та ҳудудда ошган.

2022 йил декабрда республиканинг 7 та ҳудудида юридик шахслар ўртасидаги банк операциялари сони ўтган ойга нисбатан ошган. Хусусан, сезиларли даражадаги ўсиш Андижон (55,0%), Қашқадарё (14,3%), Наманган (9,0%) вилоятлари ва Тошкент шаҳрида (4,9%) кузатилган.

Шу билан бирга Самарқанд (-10,5%), Навоий (-4,5%), Жиззах (- 1,7%), Хоразм (- 3,9%), Сурхондарё (-3,3%), Тошкент (- 3,0%) ва Фарғона (-2,1%) вилоятларида камайиш кузатилган.

ТОВАР-ХОМ АШЁ БИРЖАСИДАГИ ФАОЛЛИК

2022 йилнинг декабрь ойида ИФИнинг биржа компоненти 1,0675 бирликни ташкил этди. Бу эса, ушбу компонентнинг ўтган ойга нисбатан 6,7 фоизга ошганлигини англатиб, ҳар бир битим бўйича сотиб олинган товарлар ўртача ҳажмининг 10,6 фоизга ва битимлар сонининг 2,9 фоизга ошганлиги билан изоҳланади.

Республика товар-хом ашё биржасида товарлар савдоси умумий айланмаси ҳажми 2022 йил декабрь ойида 6 822,1 млрд. сўмни ташкил этиб, ушбу кўрсаткич ўтган ойга нисбатан 7,3 фоизга ошган.

ХЎЖАЛИК ЮРИТУВЧИ СУБЪEКТЛАРНИНГ ФАОЛЛИГИ

Фаолият юритаётган хўжалик субъектлари бўйича компонент 2022 йил декабрь ойида 1,0051 бирликни ташкил этиб, ўтган ойга нисбатан 0,5 фоизга ошганлигини кўрсатади. Ушбу кўрсаткич ўтган йилнинг мос даврига нисбатан ҳам ижобий ўзгариб, 12,9 фоизга ошган.

2022 йил декабрь ойида барча турдаги фаолият юритаётган хўжалик юритувчи субъектлар сони 2022 йилнинг ноябрь ойига (633 051 бирлик) нисбатан 3 683 тага кўпайиб, 636 734 бирликни ташкил этган.

Йирик тадбиркорлик билан шуғулланувчи корхоналар сони 13 тага ошган.

Ҳисобот даврида, кичик корхоналар сони 520 199 тадан 523 556 тагача кўпайган (ўсиш 3 357 та). Фермер хўжаликлари сони 109 199 тадан 109 512 тагача (ўсиш 313 та) кўпайган. Йирик тадбиркорлик билан шуғулланаётган субъектлар сони 3 666 тани ташкил этиб, 2022 йилнинг декабрь ойига нисбатан 13 тага кўпайган.

БРEНДЛАРНИ РЎЙХАТГА ОЛИШ

2022 йил декабрь ойида савдо белгилари муҳофазаси бўйича бизнес фаоллиги индекси 1,2761 бирликни ташкил этиб, ушбу кўрсаткич 2022 йилнинг ноябрь ойига нисбатан 27,6 фоизга ошган. Жорий йилнинг декабрь ойида юридик шахслар томонидан 208 та товар белгилари ва товар номлари рўйхатга олинган.

Ўзбекистон Республикаси ва минтақалар бўйича ИФИ компонентларининг ўтган ойга нисбатан ўзгариши

Минтақалар	ИФИ	Ҳисоблар бўйича операциялар компоненти	Индекснинг биржа компоненти	Фаолиятдаги субъектлар компоненти	Янги савдо маркалари компоненти
Ўзбекистон Республикаси	↑1054	↑1,0493	↑1,0675	↑1,0051	↑1,2761
Сирдарё вилояти	↑1439	↑1,0052	↑1,9433	↓0,9984	↑3,0000
Сурхондарё вилояти	↑1359	↓0,9674	↑2,0000	↑1,0036	↓0,0000
Андижон вилояти	↑1288	↑1,5502	↑1,2218	↑1,0039	↑1,2000
Тошкент шаҳри	↑1227	↑1,0492	↑1,5055	↑1,0166	↑1,1182
Бухоро вилояти	↑1199	↑1,0074	↑1,1102	↑1,0128	↑6,0000
Навоий вилояти	↑1163	↓0,9546	↑1,3863	↑1,0092	↑1,7500
Тошкент вилояти	↑1161	↓0,9702	↑1,3517	↑1,0054	↑2,0000
Наманган вилояти	↑1114	↑1,0902	↑1,1263	↑1,0092	↑2,0000
Қашқадарё вилояти	↑1073	↑1,1429	↑1,0931	↑1,0052	↓0,5000
Қорақалпоғистон Республикаси	↑1063	↑1,0099	↑1,2075	↓0,9972	↓0,2500
Самарқанд вилояти	↑1049	↓0,8952	↑1,1992	↑1,0075	↑1,1429
Фарғона вилояти	↑1039	↓0,9791	↑1,0187	↑1,0174	↑2,1667
Хоразм вилояти	↓982	↓0,9605	↓0,9147	↓0,9983	↑2,0000
Жиззах вилояти	↓821	↓0,9580	↓0,6460	↑1,0051	↓0,2000

Ўзбекистон Республикаси ва минтақалар бўйича ИФИ компонентларининг ўтган йилнинг мос ойига нисбатан ўзгариши

Минтақалар	ИФИ	Ҳисоблар бўйича операциялар компоненти	Индекснинг биржа компоненти	Фаолиятдаги субъектлар компоненти	Янги савдо маркалари компоненти
Ўзбекистон Республикаси	↑1033	↑1,0939	↓0,9604	↑1,1295	↓0,5794
Андижон вилояти	↑1834	↑2,4230	↑1,8330	↑1,1056	↓0,3158
Тошкент шаҳри	↑1500	↑2,3896	↓0,9239	↑1,2663	↓0,5302
Тошкент вилояти	↑1397	↓0,9498	↑2,0000	↑1,0851	↓0,8571
Қорақалпоғистон Республикаси	↑1346	↓0,8027	↑2,0000	↑1,1351	↓0,5000
Қашқадарё вилояти	↑1190	↑1,4560	↑1,0459	↑1,1561	↓0,2500
Фарғона вилояти	↑1185	↑1,0988	↑1,3027	↑1,1644	↓0,7647
Хоразм вилояти	↑1176	↑1,1107	↑1,1793	↑1,1612	↑2,0000
Наманган вилояти	↑1167	↑1,1743	↑1,2063	↑1,1051	↑1,0000
Самарқанд вилояти	↑1150	↑1,1544	↑1,1719	↑1,1513	↓0,8000
Навоий вилояти	↑1144	↑1,1188	↑1,0826	↑1,1313	↑2,3333
Жиззах вилояти	↑1105	↑1,1874	↑1,1176	↑1,0961	↓0,0556
Сирдарё вилояти	↑1084	↑1,0188	↑1,0470	↑1,1316	↑2,0000
Бухоро вилояти	↑1062	↑1,0697	↑1,0805	↑1,0964	↓0,4615
Сурхондарё вилояти	↓912	↑1,0110	↓0,8096	↑1,0647	↓0,0000